Review
Reviewed Book:
Reviewed Book:
Malusi, umfana wekwelusa, unakekela timvu netimbuti tabomkhulu wakhe etintsabeni. Ngaphansi kwesibhakabhaka lesigcwele tinkhanyeti, ufundza ngekutinikela, sibindzi kanye nebuhle bemvelo.
Umbhali uyibhale kahle incwadzi yakhe elekelelwa imidvwebo lemihle lehambisana
nalendzaba. Umbhali uyicalekahle indzaba yakhe ngembuto lowenta umfundzi
acabange lokwenteka nangabe kunemafu tinkhanyeti titse gcwagcwa. Uveta
kucwatimula kwetinkhanyeti letinemibala leyehlukile. Umbhali sewuveta inkhinga
lekhona kulobumenyemenye lobubonakala esibhakabhakeni. Nati phela tinkhanyeti
letinemibala setitigcabha, titibona tingcono kunebalingani bato labamhlophe.
Lokubancono kwetinkhanyeti letinemibala kwaphindze kwaholela ekutseni tibange
umsindvo tiphindze tedzelele. Indzaba siyibona itfutfuka, tinkhanyeti letimhlophe
setidziniwe titsatsa sinyatselo tishuca tikaka likhona lapho kuhleti khona tinkhanyeti
letimibalabala. Tinkhanyeti letinemibala tatsi natibaleka tawela phansi, tahlala
endzaweni letingakayetayeli lenemoya lohhushako nelulwandle lolugubhuta lubange
umsindvo macedze tikhukhuleke tiye etulu endvundvumeni yesihlabatsi lapho tafika
tamila taba timbale letimibalabala. Maye kubi kwedzelela nekutati. Umfundzi uyatibona
tinkhanyeti letimibalabala tisendzaweni lenesitunge, letingayitsandzi, noma
tisendvundvumeni yesihlabatsi kepha tiyabubona buhle bekuba sesibhakabhakeni.
Bekungekho letingakwenta kepha kuhlalha khona lapho tibuke bomfowabo
labamhlophe bahleti etulu esibakabhakeni.
