Review
Reviewed Book:
Reviewed Book:
Dijo tše di kaonekaone go fetiša ke kanegelo ye e kgomago maikutlo ka ga tumelo, kholofelo le botho. Ge Siziwe le lapa la gabo ba lebana le tlala, ba hwetša thušo yeo e ba tlišetšago lethabo le kholofelo. Puku ye e ruta bana bohlokwa bja go se fele pelo, go leboga le go thušana.
Dijo tše di kaonekaone go fetiša! Ke kanegelo yeo e thomago ka masetlapelo, ya felela ka lethabo. Siziwe o tshwenyegile ka gabo, Gugulethu. Ga go na dijo goba tšhelete ya go di reka. Bomampipana ba llela Siziwe ka tlala. Mmagobona o ile magaeng ka potlako. Ga go na le motho o mogolo yo a mo thušago.
Siziwe a gopola go rapela gomme a holofela ka go leboga. Ka letšatši leo le latelago, mosetsana yo o makaditšwe ke ge mogwera wa mmagwe wa potego a tsena, a rwele. Mmadi o swanetše go bala puku ye, a tle a tsebe gore mmaManala o be a rwele eng.
Diswantšho di magareng. Di thadilwe gabotse, le ge di se na mebalabala. Puku ye e tla ruta bana thuto e botse. Bana ba tla thaba ge ba bala moo Siziwe a feleleditšego a humana dijo tše di kaone. Batswadi ba ka reka puku ye.
