Review
Reviewed Book:
Reviewed Book:
Puku ye ke nonwane ya bohlale yeo e bontšhago gore le ba banyenyane ba ka kgona go rarolla mathata ka mahlale. Ge Legotlwana le šomiša maano go thuša diphoofolo go fenya Tau, bana ba ithuta ka bohlokwa bja bohlale, sebete le go se nyatše ba bangwe.
Ruri mahlale ga a fiwa ba bagolo fela, le ba bannyane ba a a fiwa. Nonwaneng ye, Legotlwana le phadile diphoofolo tše kgolo ka maano a go fetša Tau maatla a go ja diphoofolo gampe. Moo kopanong, Tlou e butše mošomo, Phiri ya bea sello sa tšona, gwa latela Tšhukudu le Kgabo. Ge go bolela Legotlwana, diphoofolo tše dingwe tša nyatša.
Legotlwana le tšwetše pele, la ilo botša Tau ka phoofolo ya go e feta ka borena. Tau ya befelwa ka kudu. Legotlwana la dudiša Tau ka leweng go letela phoofolo yeo. Mmadi o tla tšwela pele a bone gore Tau e feletše kae.
Diswantšho di tletše, fela di hloka mebala e mebotse. Mongwadi o kgonne go bolediša diphoofolo bjalo ka batho, bana ba tla kgahlega. Efela, go na le bofokodi bja tšhomišo ya polelo, bjoo bo nkgapeletšago gore ke tutuetše batswadi go se reke puku ye.
