A Mpumi o kgona go bala?

E anela ka ga go bala dipalo go tloga ka nngwe go ya go lesome. Dipalo di tsamaelana le go nyalelana le ditshwantsho - go dira jalo go nolofatsa go tlhaloganya dipalo le go di bala ka nepagalo e bong selo se se botlhokwa segolo mo baneng ba bannye.

E maleba tota go bana ba bannye ba ba simololang go ithuta dipalo, ba di bapisa le dilwana go aga/bopa palo e e rileng ka tsela e e bonolo.E amogelesa, e mo maemong a a maleba. Kitso ya dipalo ka puo ya gaabomotho e botlhokwa segolo mo baneng ba bannye ba ba simololang go bala (count) le go buisa (read). E tlhololo, e latetse melawana ya mokwalo le mopeleto o o kannweng wa Setswana.

E maleba tota, go bana ba bannye ba ba simololang go ithuta dipalo le go di bala ka go aga bokao jo bo tlaa salelang ruri mo tlhaloganyong ya bona. E maleba ka e bapisa palo le dilwana tse di agang palo eo mme se se thusa go tlhaloganya ka bonako.
Ga e na bosisi bope jo bo ka tshwenyang mmuisi.

Thuto ka ga Maitsholo a Setho/Botho/Moralistic story:
E aga ngwao le motheo wa dipalo mo baneng ba sa ntse le bannye. Se se na le seabe se segolo mo kitsong ya dipalo go ya kwa pele.