Kgaketla e lahlehileng

Tutu ke kgudu e ntleng e neng e dula morung. Lebaka le neng le etsa hore Tutu a be
motle hakana ke kgaketla ya hae e mebalabala. Tutu o ne a le mosa ebile a rata ho
bapala le metswalle ya hae. Tutu ha qeta ho sesa o fumane kgaketla ya hae e le siyo
moo a neng a e beile teng. Bathong ebe jwale Tutu o tlo etsa jwang? Mongodi wa buka
ena o bontsha kamoo setswalle se leng bohlokwa kateng, ho ba le dikamano tse ntle le
batho, ho se etse batho ba bang hampe le ho leboha ha batho ba ile ba o thusa. Re
lemohile kamoo metswalle ya hae ileng ya mo utlwela bohloko kateng mme ya mo
thusa ho batla kgaketla ya hae. Puo e sebedisitsweng mona ke e boemong ba ngwana
leha diphoso tsa puo di le mmalwa tse bakilweng ke mofetoledi. Buka ena e ralehile ka
tsela e ntle mme e ka sebediswa ke batswadi ho tataisa bana ba bona, matitjhere
bakeng sa ho balla hodimo. Potlakela ho fumana buka ena hore o tsebe ho tlile jwang
hore Kgudu a dule a apere kgaketla ya hae hohle moo a yang teng ho fihlela lena le
hodimo.