Die vergete wetenskaplike: Die verhaal van Saul Sithole‘Dit is ’n inspirerende boek wat jong ontluikende wetenskaplikes sal inspireer om hul belangstellings te verbreed en ’n loopbaan in die wetenskap met geesdrif aan te pak of hulle nou op voëls soogdiere fossiele of ander aspekte van die lewensdiversiteit op ons kosbare planeet konsentreer.’ – Professor Francis ThackerayDie Vergete Wetenskaplike: Die verhaal van Saul Sithole is die onvertelde verhaal van ’n baanbrekende swart wetenskaplike wat ’n enorme bydrae gelewer het op die gebiede van antropologie en ornitologie in Suid-Afrika. Saul Sithole was só toegewyd aan sy werk dat selfs die struikelblokke weens apartheid hom nie verhinder het om 62 jaar van sy lewe aan die wetenskaplike wêreld van voëls en fossiele toe te wy nie. Saul het nog nooit amptelike erkenning ontvang vir wat hy alles bereik het nie – tot nou toe. Hierdie boek bevestig sy bydraes werp die lig op sy lewe en werk en vertel ’n verhaal wat toekomstige geslagte wetenskaplikes sal inspireer.